4 июн Президенти Ҷумҳурии Тоҷикистон Эмомалӣ Раҳмон ба унвонии Президенти Муғулистон Намбарин Энхбаяр барқияи табрикӣ ирсол дошт, ки дар он аз ҷумла омадааст:
"Барои ман мояи ифтихори бузург аст, ки ба Шумо, Аълоҳазрат, ба муносибати Президенти нави Муғулистон интихоб шуданатон табрикоти самимонаро ирсол дорам.
Аз ин имконияти хуш истифода намуда, изҳор менамоям, ки мо тайёрем муносибатҳои дуҷонибаи дӯстӣ ва ҳамкории барои ҷонибайн муфидро ба нафъи халқҳоямон ва ба манфиати сулҳу суботи байналмилалӣ ва минтақавӣ минбаъд ҳам рушду густариш диҳем.
Ба Шумо, Аълоҳазрат, ба фаъолиятатон дар мансаби олии давлатӣ тансиҳатию муваффақиятҳо ва ба халқи дӯсти муғул беҳбудӣ, пешрафт ва шукуфоии минбаъда орзу менамоям".