11 июн Президенти Ҷумҳурии Тоҷикистон Эмомалӣ Раҳмон ҳамчунин ба Маликаи Шоҳигарии муттаҳидаи Британияи Кабир ва Ирландияи Шимолӣ Улёҳазрат Елизаветаи Дуюм ба муносибати иди миллии кишвараш барқияи шодбошӣ ирсол намуд, ки дар он, аз ҷумла омадааст:
"Бо камоли майл ба Шумо табрикоти самимӣ ва беҳтарини хешро ба муносибати иди миллии кишваратон ирсол медорам.
Аз ин фурсати муносиб истифода бурда, ба Шумо Улёҳазрат, саломатӣ, саодатмандию муваффақият ва ба мардуми Британияи Кабир сулҳу ободӣ таманно менамоям".