Худи ҳамон рӯз Президенти Ҷумҳурии Тоҷикистон Эмомалӣ Раҳмон бо ноиби аввали Президенти Ҷумҳурии Исломии Эрон Муҳаммад Ризои Ориф мулоқоти самимию тӯлонӣ анҷом дод.
Дар вохӯрӣ асосан масъалаҳои татбиқи амалии лоиҳаҳои муштараки ҳамкорӣ, ба хусус Нерӯгоҳи барқи обии "Сангтӯда-2" ва роҳи зеризаминӣ тавассути ағбаи Анзоб баррасӣ шуданд.
Ноиби аввали Президенти Ҷумҳурии Исломии Эрон Муҳаммад Ризои Ориф ба Президенти Ҷумҳурии Тоҷикистон Эмомалӣ Раҳмон барои мусоидати ҳамаҷониба ва дастгирии шахсӣ ҷиҳати қабули Ҷумҳурии Исломии Эрон ба сифати мушоҳиди Созмони Ҳамкории Шанхай аз номи халқу давлати мамлакаташ изҳори сипосу қадрдонӣ намуд.
Дар мулоқот ба маҷмӯи васеъи масъалаҳои ҳамкорӣ, ривоҷи ҳамкориҳои минтақавӣ, ҳамзамон масоили дорои характери иқтисодию тиҷоратӣ мароқи хос зоҳир карда шуд.