Президенти Ҷумҳурии Тоҷикистон

Барқияи табрикӣ ба Президенти Ҷумҳурии Исломии Афғонистон Ҳомид Карзай

19.08.2005 09:00, шаҳри Душанбе

19 август Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Исломии Афғонистон Ҳомид Карзай барқияи табрикотӣ ирсол намуд, ки дар он аз ҷумла чунин гуфта мешавад:

"Сарфарозу масрурам, ки Ҷалолатмаоб ва мардуми бародари Афғонистонро ба муносибати фаро расидани ҷашни 86-умин солгарди истирдоди истиқрори кишвари дӯст ва ҳамсоя самимона табрик ва таҳният намоям.

Мо аз дастовардҳои таърихии кишвари Шумо дар таъмини тадриҷии субот ва амнияти саросарӣ, татбиқи усул ва арзишҳои демократӣ ва эҳёи Афғонистон қалбан шодем ва хоҳони комёбиҳои бештари Шумо мебошем.

Имсол дар раванди рушди равобит ва ҳамкории дӯстонаи мо марҳилаи амалан нав оғоз шуд. Ман мутмаинам, ки татбиқи тавофуқоти ҳосилшуда ва барномаҳои дарозмуддати ҳамкории ду кишвар комилан ҷавобгӯи манфиатҳои миллӣ ва вазифаҳои стратегии ду кишвари дӯст, амният, субот ва пешрафти минтақа аст.

Ба Ҷалолатмаоб саломатӣ ва комёбиҳои нав ба нав ва ба мардуми бародари Афғонистон саодату хушрӯзӣ таманно дорам".

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520