Президенти Ҷумҳурии Тоҷикистон

Барқияи табрикӣ ба Президенти Украина Виктор Ющенко

24.08.2005 09:00, шаҳри Душанбе

24 август Президенти Ҷумҳурии Тоҷикистон Эмомалӣ Раҳмон ба муносибати таҷлили рӯзи истиқлолияти Украина ба унвони Президенти ин мамлакат Виктор Ющенко барқияи шодбош фиристод, ки дар он аз ҷумла гуфта мешавад:

"Таҷлили рӯзи истиқлолияти Украина ба ман имкон медиҳад, ки Шумо ва тамоми халқи мамлакататонро ба шарафи ин воқеаи фараҳбахш самимона табрик намоям.

Бо камоли қаноатмандӣ зикр мекунам, ки ҳамкории мамлакатҳоямон дар заминаи принсипҳои эҳтироми мутақобила ва анъанаҳои дӯстона мунтазам ва муттасил вусъат пайдо мекунад.

Мо азми қавӣ дорем, ки барои минбаъд равнақу ривоҷ ёфтани муносибатҳои Тоҷикистону Украина тамоми тадбирҳои заруриро андешем.

Дар ин рӯзи фараҳбахш ба Шумо, Виктор Андреевичи мӯҳтарам, саломатии комил, барори кор ва ба халқи бо мо дӯсти Украина сулҳу осоиш ва шукуфоӣ орзу менамоям".

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520