Президенти Ҷумҳурии Тоҷикистон

Ифтитоҳи бинои нави Донишгоҳи давлатии Хуҷанд ба номи Б. Ғафуров

30.08.2005 17:00, шаҳри Хуҷанд

30 август Президенти Ҷумҳурии Тоҷикистон Эмомалӣ Раҳмон дар тантанаи ифтитоҳи бинои нави Донишгоҳи давлатии Хуҷанд ба номи Б. Ғафуров ширкат намуд.

Сохтмони бинои дуюми таълимии Донишгоҳи давлатии Хуҷанд ба номи Б. Ғафуров маҳз бо кӯмаку дастгирии Президенти Ҷумҳурии Тоҷикистон Эмомалӣ Раҳмон аз нав оғоз шуда буд.

Президенти Ҷумҳурии Тоҷикистон Эмомалӣ Раҳмон зимни сафари қаблии хеш ба муҷтамеи варзишии Донишгоҳ баҳри аз нав оғоз бахшидан ва вусъат додани корҳои сохтмонии бинои дуюми таълимии он, ки беш аз 15 сол нотамом монда буд, 1 миллиону 750 ҳазор сомонӣ маблағ ҷудо намуд.

Бо дастгирии Ҳукумати Ҷумҳурии Тоҷикистон, дар давоми як сол мақомоти иҷроияи ҳокимияти давлатии вилояти Суғд ва шаҳри Хуҷанд бинои корпуси таълимии Донишгоҳ аз ҷониби идораҳои Суғддеҳсохтмон-1 ва 2-и Кумитаи давлатии сохтмон ва меъмории Ҷумҳурии Тоҷикистон, ҳамчунин бо иштироки устодону донишҷӯён сохта шуд. Аз хазинаи эҳтиётии Президенти Ҷумҳурии Тоҷикистон Эмомалӣ Раҳмон барои хариди маводи хониш 298 ҳазору 232 сомонӣ маблағ ҷудо гардид. Дар натиҷа бинои нави таълимии донишгоҳ бо тарҳи наву дилрабо, бо сифати баланди сохтмонию корҳои пардоздиҳӣ ва бо таҷҳизоти муосири техникӣ, васли интернет, компютер, воситаҳои ахбори дохилии аудиовизуалӣ, устохона ва кабинетҳои таълимии ба талаботи имрӯза ҷавобгӯ омода гардид.

Сардори давлат аз синфхонаҳо ва толорҳои таълимӣ, утоқҳои компютерию маркази интернет дидан карда, бо устодони донишгоҳ сӯҳбат намуд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520