Президенти Ҷумҳурии Тоҷикистон

Мулоқот бо Дабири кулли Созмони Милали Муттаҳид Кофи Аннан

16.09.2005 05:00, Иёлоти Муттаҳидаи Амрико

Дар доираи ин сафар Президенти Ҷумҳурии Тоҷикистон Эмомалӣ Раҳмон бо роҳбарони як қатор мамолики олам ва ташкилотҳои бонуфузи ҷаҳонӣ мулоқоту вохӯриҳо анҷом дод.

Робитаҳои ҳамкории Тоҷикистон бо Созмони Милали Муттаҳид, ки ба сифати бузургтарин ташкилоти байналхалқӣ эътироф шудааст, ривоҷу равнақи тозаро касб менамояд. Ин мавзӯъ дар ҷараёни мулоқоти Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Кофи Аннан, ки рӯзи 16 сентябр дар қароргоҳи Созмони Милали Муттаҳид баргузор шуд, таъкид гардид.

Президенти Ҷумҳурии Тоҷикистон Эмомалӣ Раҳмон ба саҳм ва нақши Созмони Милали Муттаҳид дар таҳкими сулҳу субот дар минтақа, рушди Тоҷикистон ва амнияту пойдории Осиёи Марказӣ баҳои баланд дод. Президенти Ҷумҳурии Тоҷикистон зикр сохт, ки маҳз таҳти васояти Созмони Милали Муттаҳид сулҳи тоҷикон ба марҳилаи ниҳоии худ расид ва имрӯз Тоҷикистон дар радифи кишварҳои пешрафта торафт мавқеи устуворро касб менамояд. Ҷумҳурии Тоҷикистон омода аст, ки минбаъд низ ҳамкориҳоро бо Созмони Милали Муттаҳид дар чаҳорчӯбаи санаду ҳуҷҷатҳои қабулшуда идома диҳад.

Дабири кулли Созмони Милали Муттаҳид Кофи Аннан ба кӯшишҳои Сарвари давлати Тоҷикистон Эмомалӣ Раҳмон дар ҳалли масъалаҳои глобалии умумибашарӣ ва таҳкими амнияти минтақавӣ баҳои баланд дод.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520