12 октябр Президенти Ҷумҳурии Тоҷикистон Эмомалӣ Раҳмон ба Шоҳи Испания Хуан Карлоси II барқияи таҳният ирсол намуд, ки дар он аз ҷумла, чунин гуфта мешавад:
"Ба муносибати иди миллии мамлакати Шумо табрикот ва орзуҳоямро дар амри саодату беҳбудии халқи Испания бо ҳаловатмандии бузург ба Шумо ирсол медорам.
Изҳори умедворӣ менамоям, ки ҳамкории байни Ҷумҳурии Тоҷикистон ва Шоҳигарии Испания ба нафъи мамлакату халқҳоямон ривоҷ меёбад.
Аз ин имконияти мусоид истифода намуда, ба Шумо, Аълоҳазрат, тансиҳатию саодат ва ба халқи Испания беҳбудию шукуфоӣ орзу мекунам".
Тавре ҳамватанони гиромӣ иттилоъ доранд, заминҷунбии шадид дар Ҷумҳурии Исломии Покистон сабабгори ҳалокати даҳҳо ҳазор афрод ва харобиҳои ниҳоят зиёд гардид.