16 декабр Президенти Ҷумҳурии Тоҷикистон Эмомалӣ Раҳмон ба муносибати таҷлили Иди истиқлолияти Ҷумҳурии Қазоқистон ба Президенти ин мамлакат Нурсултон Назарбоев барқияи шодбош фиристод, ки дар он омадааст:
"Фараҳмандам, ки Шумо ва тамоми халқи қазоқро ба муносибати таҷлили иди миллии мамлакататон - Рӯзи истиқлолияти Ҷумҳурии Қазоқистон самимона табрик гуфта, орзуҳои беҳтарини худро иброз медорам.
Мо ба қадри муносибатҳои деринаи дӯстона ва ҳамкории мутақобилан муфиди кишварҳоямон мерасем, ки халқҳои моро ба ҳамдигар мепайванданд. Мо азми қавӣ дорем, ки ин анъана ва таҷрибаи бебаҳоро боз ҳам ғанитар гардонем. Тоҷикистон ба истифодаи ҳамаҷонибаи имкониятҳои фаровонаш барои равнақу ривоҷи ҳамкории мамлакатҳоямон ба манфиати халқҳо ва давлатҳои мо сидқан манфиатдор мебошад.
Ҷаноби мӯҳтарам Нурсултон Назарбоев, ба Шумо саломатӣ, барори кор ва ба халқи бародари Қазоқистон сулҳу ободӣ ва рӯзгори фараҳмандона орзу менамоям".