Президенти Ҷумҳурии Тоҷикистон Э.Ш.Раҳмонов ба муносибати иди Соли нави 2007 ба унвони сарони давлатҳои хориҷӣ ва роҳбарони бисёр созмонҳои байналхалқию минтақавӣ барқияҳои шодбош фиристод.

Дар навбати худ сарони бисёр давлату ҳукуматҳои ҷаҳон Президенти Ҷумҳурии мо Эмомалӣ Раҳмоновро ба ин муносибат табрик намуданд. Аз ҷумла ба унвони Э.Раҳмонов аз номи Президенти Федератсияи Русия Владимир Путин, Президенти Иёлоти Муттаҳидаи Амрико Ҷорҷ Буш, Президенти Ҷумҳурии Фаронса Жак Шерак, раиси Ҷумҳурии Мардумии Чин Ху Сзинтао, Президенти Ҷумҳурии Федероли Олмон Хорст Кёллер, Шоҳи Испания Хуан Карлоси дуюм, сарвазири Британияи Кабир Тони Блер, Сарвазири Ҷопон Синдзо Абе, Канслери Федералии Олмон Ангела Меркел, Президенти Давлати Исломии Афғонистон Ҳамид Карзай, Президенти Ҷумҳурии Қазоқистон Нурсултон Назарбоев, Президенти Ҷумҳурии Ӯзбекистон Ислом Каримов, Президенти Ҷумҳурии Қирғизистон Қурмонбек Боқиев, Президенти Ҷумҳурии Озарбойҷон Илҳом Алиев, иҷрокунандаи вазифаи Президенти Туркманистон Қурбонгули Бердимуҳаммадов ва Президенти Ҷумҳурии Молдова Владимир Воронин барқияҳои шодбош ворид гардиданд.

Вуруди барқияҳои шодбош ба унвони сардори давлат давом дорад.