19 феврал Президенти Ҷумҳурии Тоҷикистон Эмомалӣ Раҳмон бинобар сабаби садамаи қатора дар музофоти Хуросон, ки дар натиҷаи он теъдоди зиёди шаҳрвандон ба ҳалокат расиданд, ба номи Раиси Ҷумҳурии Исломии Эрон Сайид Муҳаммади Ҳотамӣ барқияи ҳамдардӣ фиристод.
Дар он Сарвари давлат ҳамдардӣ ва тассалиёти самимии худро ба мардуми дӯсти Эрон расонида, ба бозмондагон ва наздикони қурбоншудагон аз Худованди мутаъол сабри ҷамил хостааст.
Дар ин рӯзи фоҷиабор, — гуфта мешавад дар барқияи Президенти Тоҷикистон, — ҳамаи фикру зикри мардуми Тоҷикистон бо миллати Эрон аст.