5 март Президенти Ҷумҳурии Тоҷикистон Эмомалӣ Раҳмон барои таъмини пахши барномаҳои телевизиони Тоҷикистон дар 5 ноҳияҳои водии Рашт, аз ҷумла Нуробод, Рашт, Тоҷикобод, Ҷиргатол ва Тавилдара аз ҳисоби фонди захиравии худ 250 ҳазор сомонӣ ҷудо кард. Ба ин мақсад вазорати алоқаи ҷумҳурӣ низ 250 ҳазор сомонӣ ҷудо мекунад. Президенти Ҷумҳурии Тоҷикистон ба вазири алоқаи Ҷумҳурии Тоҷикистон супориш дод, ки корҳои омодасозиро дар бобати пахши барномаҳои телевизиони Тоҷикистон дар ин минтақа то охири соли ҷорӣ ба анҷом расонад.