30 март Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Ислом Каримов сӯҳбати телефони анҷом дод.
Дар ҷараёни сӯҳбат Президенти Тоҷикистон Эмомалӣ Раҳмон ба Ислом Каримов бинобар сабаби амалҳои террористӣ дар Ҷумҳурии Узбекистон, ки боиси ҳалокати шаҳрвандони бегуноҳ гардидааст ҳамдардии амиқ изҳор намуд. Тарафҳо ин амали даҳшатнокро шадидан маҳкум намуда таъкид сохтанд, ки терроризм ба амнияти минтақа ва сайёра таҳдид менамояд, Аз ин рӯ, торафт пурзӯр намудани муборизаи муштараки кишварҳои олам, махсусан минтақаи Осиёи Марказӣ бар зидди ин хатари ҷиддии ҷаҳонӣ амри ниҳоят зарурӣ мебошад.
Сарони ду давлати дӯсту ҳамсоя масъалаҳои вобаста ба ҳамкориҳои дуҷонибаро низ мавриди баррасӣ қарор доданд.