30 апрел Президенти Ҷумҳурии Тоҷикистон Эмомалӣ Раҳмон дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон дар паёми худ самтҳои асосии сиёсати дохилҳ ва хориҷии Ҷумҳурии Тоҷикистонро муайян кард. Дар паёми Президенти Ҷумҳурии Тоҷикистон таъкид карда мешавад, ки дар марҳилаи кунунӣ Ҳукумати Ҷумҳурии Тоҷикистон баҳри таҳкими робитаҳои иқтисодиву тиҷоратӣ бо кулли мамолики сулҳпарвари сайёра, саҳмгузорӣ дар ҳалли масъалаи глобалии ҷаҳон, бахусус мубориза алайҳи терроризм ва қочоқи маводи мухаддир, инчунин дарёфти роҳҳои ҳалли мушкилоти таъмини оби нушокӣ талош хоҳад бурд.
Сарвари давлат аз тадбиру нақшаҳои Ҳукумати Ҷумҳурии Тоҷикистон дар мавриди дастгирии бахшҳои иҷтимоӣ ёдовар шуда изҳор дошт, ки имсол беш аз 47 дарсади маблағҳои буҷетӣ баҳри беҳдошти соҳаи маорифу тандурустӣ ва илму фарҳанг равона хоҳад шуд.
Дар Маҷлиси якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аъзои Ҳукумат, намояндагони корпусҳои дипломатии муқими Душанбе ва хабарнигорони воситаҳои ахбори умум иштирок доштанд.