24 май Президенти Ҷумҳурии Тоҷикистон Эмомалӣ Раҳмон инчунин ба унвонии Президенти Ҷумҳурии Федеративии Олмон Херст Келер номаи шодбошӣ ирсол намуд, ки дар он гуфта мешавад:
«Ба ман боиси ифтихор аст, ки табрику таҳнияти самимонатарини худро ба муносибати Президенти Ҷумҳурии Федеративии Олмон интихоб шуданатон ба Шумо ирсол намоям.
Муносибатҳои Тоҷикистону Олмон, ки дар давоми солҳои охир ба таври назаррас ривоҷ ёфтаанд, яке аз самтҳои муҳимтарини сиёсати хориҷии Тоҷикистон мебошанд. Аминам, ки таҳкиму густариши минбаъдаи ин муносибатҳо ба манфиати кулли халқҳою мамлакатҳоямон мебошанд. Умедворам, ки мо бо саъю кӯшиши муштарак метавонем ривоҷи доимии ин муносибатҳоро ба хотири сулҳу оромии тамоми ҷаҳон таъмин намоем.
Ба Шумо, ҷаноби Президент, саломатии бардавом ва дар фаъолияти наҷибатон муваффақиятҳои калон ва ба халқи ба мо дӯсти Ҷумҳурии Федеративии Олмон беҳбудию шукуфоӣ орзумандам».