1 сентябр Президенти Ҷумҳурии Тоҷикистон Эмомалӣ Раҳмон дар робита бо анҷом дода шудани амалиёти террористӣ дар Маскав ба унвони Президенти Федератсияи Россия Владимир Путин барқия фиристод, ки дар он аз ҷумла чунин омадааст: «Владимир Владимировичи мӯҳтарам, хабари амали террористӣ дар Маскав, ки сабаби ҳалокати одамони бегуноҳ гардид, маро ба қаҳру ғазаб овард. Ин амали ношоиста зарурати ба таври самарабахш муттаҳид сохтани ҷидду ҷаҳди ҷомеаи ҷаҳонро дар мубориза ба муқобили чунин зуҳуроти номатлуб ва барҳам додани шароите, ки ба паҳн гардидани терроризм мусоидат мекунад, бори дигар исбот менамояд.
Аз Шумо хоҳишмандам, ки ҳамдардии маро ба аҳли оила ва хешу таборони шахсони ҳалокшуда ва осебдида бирасонед».