Президенти Ҷумҳурии Тоҷикистон

Мулоқот бо Дабири Кулли Созмони амнияту ҳамкории Аврупо Ян Кубиш

06.09.2004 14:00, шаҳри Душанбе

6 сентябр Президенти Ҷумҳурии Тоҷикистон Эмомалӣ Раҳмон бо Дабири Кулли Созмони амнияту ҳамкории Аврупо Ян Кубиш мулоқот кард.

Ҷонибҳо дурнамои инкишофи ҳамкориҳои миёни Ҷумҳурии Тоҷикистон бо Созмони амнияту ҳамкории Аврупо, вазъи кунунии Афғонистон ва дигар мавзуоти мавриди таваҷҷӯҳро баррасӣ намуданд.

Ба масъалаи авзои Афғонистон дахл намуда, Президенти Ҷумҳурии Тоҷикистон Эмомалӣ Раҳмон изҳор дошт, ки Созмони амнияту ҳамкории Аврупо ва дар маҷмӯъ мамолики аъзои он бояд ҷиҳати таъмини бебозгашти марҳилаи сулҳи Афғонистон талоши ҷиддӣ ба харҷ диҳанд, то ин кишвар дар роҳи рушди демократӣ қадамҳои устувор гузорад.

Дабири Кулли Созмони амнияту ҳамкории Аврупо Ян Кубиш, ки дар роҳи бозгашт аз Афғонистон ба Душанбе омад, ба Президенти Ҷумҳурии Тоҷикистон Эмомалӣ Раҳмон доир ба авзои қабл аз интихоботии ин кишвар иттилооти амиқ расонид.

Дар вохӯрӣ таъкид ёфт, ки тайи солҳои охир Созмони амнияту ҳамкории Аврупо ба масъалаҳои вобаста ба инкишофи ҳамкориҳо бо мамолики Осиёи Марказӣ, ба хусус Ҷумҳурии Тоҷикистон диққати махсус медиҳад.

Тарафҳо ҳамзамон доир ба ҳалли масъалаи аз мина тоза кардани заминҳо, ташкил ва баргузории Форуми иқтисодии Созмони амнияту ҳамкории Аврупо дар соли 2006 табодули назар намуданд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520