Президенти Ҷумҳурии Тоҷикистон

Сӯҳбати телефонӣ бо раисони шаҳру ноҳияҳои ба номи Ҷаббор Расулов, Бобоҷон Ғафуров, Конибодом ва Зафарободи вилояти Суғд

21.09.2004 10:00, шаҳри Душанбе

21 сентябр Президенти Ҷумҳурии Тоҷикистон Эмомалӣ Раҳмон бо раисони шаҳру ноҳияҳои ба номи Ҷаббор Расулов, Бобоҷон Ғафуров, Конибодом ва Зафарободи вилояти Суғд сӯҳбати телефонӣ анҷом дод.

Раисони шаҳру ноҳияҳои номбурда ба Сарвари давлат аз ҷараёни тадбирҳои вобаста ба ҷамъоварии ҳосили пахта ҳисобот доданд.

Тавре маълум гардид, имсол ҳосили пахта дар муқоиса ба соли гузашта беҳтар аст, ба хусус дар шаҳру ноҳияҳои Бобоҷон Ғафуров ва Конибодом меҳнати деҳқонон самараи назаррас ба бор овард. Танҳо истифодаи оқилонаи ҳар соати фасли тирамоҳ, обу ҳавои мусоид ва ҳавасмандии саривақтии чинакчиён метавонад амалӣ гаштани нақшаҳоро таъмин гардонад.

Бинобар дар ноҳияи Зафаробод нарасидани қувваи қобили меҳнат Сарвари давлат супориши фаврӣ дод, ки ҳамаи 30 адад техникаи ҳосилғундори ноҳия ба саҳро бароварда шаванд.

Дар ҷараёни сӯҳбати телефонии Президенти Ҷумҳурии Тоҷикистон Эмомалӣ Раҳмон ҳамзамон ба маҷмӯи масъалаҳои иқтисодию иҷтимоии фарогири ҳаёти ҷомеаи ин шаҳру ноҳияҳо, аз ҷумла тайёрӣ ба фасли зимистон, вазъи кунунии фаъолияти муассисаҳои соҳаи маорифу тандурустӣ ва пардохти бетаъхири маошу нафақаи шаҳрвандон мароқи калон зоҳир намуда, ҷиҳати ҳалли мушкилоти мавҷуда дар ин бахшҳо дастуру супоришҳои қатъӣ дод.

Раисони шаҳру ноҳияҳои ба номи Ҷаббор Расулов, Конибодом, Бобоҷон Ғафуров ва Зафаробод вазифадор гардиданд, ки аз натиҷаи иҷрои дастуру эродҳои Сарвари давлат ба Ҳукумати Ҷумҳурии Тоҷикистон ҳисобот диҳанд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520