Президенти Ҷумҳурии Тоҷикистон

Сӯҳбати телефонӣ бо раиси вилояти Мухтори Кӯҳистони Бадахшон Алимамад Ниёзмамадов

05.10.2004 10:00, шаҳри Душанбе

5 октябр Президенти Ҷумҳурии Тоҷикистон Эмомалӣ Раҳмон бо раиси вилояти Мухтори Кӯҳистони Бадахшон Алимамад Ниёзмамадов сӯҳбати телефонӣ анҷом дод.

Дар сӯҳбат маҷмӯи васеи масъалаҳои фарогири ҳаёти иқтисодию иҷтимоии вилоят баррасӣ шуданд.

Нахуст Сарвари давлат ҳисоботи раиси вилоятро шунида, сипас доир ба омодагӣ ба зимистони дарпешистода, захираи ангишт, ташкилу фурӯши он ба аҳолӣ ва муассисаҳои давлатӣ, ҷамъоварии зироатҳои кишоварзӣ ва захира намудани он барои сокинони вилоят, ба хусус картошкаи хушсифат, инчунин пардохти бемамонияти маошу нафақаи шаҳрвандон дастурҳои қатъӣ дод.

Дар рафти сӯҳбат Президенти Ҷумҳурии Тоҷикистон Эмомалӣ Раҳмон бештар ба масъалаи татбиқи мақсадноку оқилонаи маблағҳои аз ҳисоби хазинаи эҳтиётии Сарвари давлат ҷудо гардида, аз ҷумла барои тармиму таҷдиди театри вилоятии ба номи Меҳрубон Назаров, беморхонаи марказии вилоят, муассисаҳои табобатии ноҳияҳои Ванҷу Дарвоз ва Рӯшон, инчунин истифодаи самарабахши маблағҳои барои сохтмон, таъмиру навсозӣ ва таҷҳизонидани мактабҳои шаҳру навоҳии вилоят ҷудошуда, супоришҳои ҷиддӣ дод.

Сарвари давлат раиси вилояти Мухтори Кӯҳистони Бадахшонро вазифадор намуд, ки шахсан ҷараёни татбиқи амалии дастуру супоришҳоро зери назорати доимӣ гирифта, аз натиҷаи он ба Ҳукумати Ҷумҳурии Тоҷикистон гузориш диҳад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520