Шоми рӯзи 17 октябр Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Ислом Каримов мулоқот анҷом дод.
Дар вохӯрӣ маҷмӯи васеи масъалаҳои ҳамкориҳои дуҷониба, робитаҳо дар доираи фарогири Созмони ҳамкориҳои Осиёи Марказӣ, Созмони ҳамкориҳои Шанхай, Созмони ҳамкориҳои иқтисодӣ, Иттиҳоди давлатҳои мустақил ва дигар созмону ташкилотҳои минтақавию байналмилалӣ баррасӣ шуданд.
Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Ислом Каримов дар ҷараёни сӯҳбат изҳори умед намуданд, ки мулоқоти навбатии сарони кишварҳои узви Созмони ҳамкориҳои Осиёи Марказӣ ба ҳалли мусбати муҳимтарин масъалаҳои ҳамкории ҷумҳуриҳои ҳамсоя мусоидат хоҳад кард. Дар мулоқот масоили вобаста ба вазъияти минтақа, саҳмгирӣ дар марҳилаи барқарорсозии иқтисодии Афғонистон ва мубориза алайҳи таҳдидҳои умумибашарӣ дахл карда шуд.