4 сентябр Президенти Ҷумҳурии Тоҷикистон Эмомалӣ Раҳмон дар арафаи ҷашни Рӯзи истиқлолияти давлатӣ гурӯҳи калони намояндагони бахшҳои гуногуни хоҷагии халқро бо мукофотҳои давлатии Ҷумҳурии Тоҷикистон сарфароз гардонид.
Ба ин муносибат ҷамъомади ботантана доир гардид. Эмомалӣ Раҳмон ҳозиринро ба муносибати ин рӯйдоди сурурангез табрик гуфта, зикр намуд, ки меҳнати фидокоронаи ҳамаи заҳматкашони кишвар ба нафъи халқу Ватан ҳамеша дар мадди назари роҳбарияти давлату Ҳукумати ҷумҳурӣ қарор дорад.