21 май Президенти Ҷумҳурии Тоҷикистон Эмомалӣ Раҳмон эътимодномаи Сафири Фавқулодда ва Мухтори Ҷумҳурии Финляндия дар Ҷумҳурии Тоҷикистон Саарела Тапио Калевиро қабул намуд.
Баъди анҷоми маросими супоридани эътимоднома байни Сарвари давлат ва сафири нав оид ба ҳолати кунунӣ ва дурнамои муносибатҳои дуҷониба мубодилаи афкор доир гардид. Зимни сӯҳбат ба қатори соҳаҳои мушаххаси ҳамкории мутақобилан судманд аз ҷумла, коркарди маҳсулоти кишоварзии Тоҷикистон, азхудкунии захираҳои табиӣ номбар шуданд.