9 июл Президенти Ҷумҳурии Тоҷикистон Эмомалӣ Раҳмон бо сафари корӣ ба вилояти Суғд рафт.
Президенти Ҷумҳурии Тоҷикистон Эмомалӣ Раҳмон дар маҷлиси фаъолони шаҳру ноҳияи Исфара иштирок ва суханронӣ кард. Дар он роҳбарони баъзе вазорату идораҳои ҷумҳурӣ, кормандони масъули Дастгоҳи иҷроияи Сардори давлат, роҳбарону масъулини вилояти Суғд, намояндагони созмонҳо ва ҳизбҳои сиёсӣ ва инчунин ташкилотҳои ҷамъиятӣ иштирок доштанд.
Маҷлис таҳти раёсати Сардори давлат Эмомалӣ Раҳмон баргузор гардида, дар он вазъи ҷамъиятию сиёсӣ ва иқтисодию иҷтимоии шаҳру ноҳияи Исфара мавриди таҳлилу баррасии амиқ қарор гирифт.