3 сентябр Президенти Ҷумҳурии Тоҷикистон Эмомалӣ Раҳмон гурӯҳи калони намояндагони зиёиён, кормандони соҳаҳои гуногуни иқтисодиёт, мақомоти интизомии ҷумҳуриро дар арафаи ҷашни 11-солагии истиқлолияти Тоҷикистон барои хизматҳои бузург ва дастовардҳои баландашон дар соҳаҳои иқтисодиёт, иҷтимоиёт, илм, фарҳанг, маориф ва иҷрои вазифаҳои давлатию хидматӣ бо мукофотҳои давлатӣ қадр намуд.
Сарвари давлат қабл аз супурдани мукофотҳо ба саҳми ҳар шахси мукофотонидашуда дар истиқрори сулҳ дар мамлакат ва тараққӣ додани соҳаҳои гуногуни иқтисодиёт баҳои баланд дод.
Баъд аз супоридани мукофотҳои давлатӣ Сарвари давлат ҳамаи ҳозирин ва тамоми халқи Тоҷикистонро ба муносибати 11-солагии истиқлолияти давлатӣ шодбош гуфт.