1 октябр Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон Эмомалӣ Раҳмон Қарори Ҳукумати Ҷумҳурии Тоҷикистон "Дар бораи тадбирҳои иҷрои Қонуни Ҷумҳурии Тоҷикистон "Дар бораи мукофотҳои давлатии Ҷумҳурии Тоҷикистон"-ро имзо кард, ки мутобиқи он пардохти маблағҳои вобаста ба имтиёзҳо ва иловапулиҳо тасдиқ карда мешавад.

Ҳамчунин Вазорати меҳнат ва ҳифзи иҷтимоии аҳолии Ҷумҳурии Тоҷикистон вазифадор гардид, ки ҳисоб кардани иловапулиҳои муқарраргардидаро ба нафақаи шаҳрвандоне, ки бо мукофотҳои давлатии Ҷумҳурии Тоҷикистон сарфароз гардидаанд, мутобиқи Қонуни Ҷумҳурии Тоҷикистон "Дар бораи мукофотҳои давлатии Ҷумҳурии Тоҷикистон" таъмин намояд.