5 октябр Президенти Ҷумҳурии Тоҷикистон Эмомалӣ Раҳмон дар шаҳри Душанбе дар мулоқоти Сарони давлатҳои Созмони ҳамкории Осиёи Марказӣ (СҲОМ) ширкат варзид.

Президентони Тоҷикистон, Қазоқистон, Қирғизистон ва Ӯзбекистон таъкид карданд, ки ҳамкории мутақобилан судманд дар соҳаҳои гуногун ба таъмини субот, амният ва пешгирии хатарҳои муосир мусоидат мекунад.

Сарони давлатҳо зикр намуданд, ки инкишофи рушди иқтисодӣ ва тараққиёти демократии кишварҳои минтақа ба барҳам додани фаъолияти террористӣ дар Афғонистон вобастагии зич доранд.

Дар робита президентҳо ба ҳукуматҳои худ супориш доданд, ки ҷиҳати ҳамоҳангсозии амалҳои кишварҳои Осиёи Марказӣ дар бобати татбиқи лоиҳаҳои барқарорсозии иқтисодии Афғонистон чораҳои иловагӣ андешанд.