8 май Президенти Ҷумҳурии Тоҷикистон Эмомалӣ Раҳмон бо роҳбарони мақомоти ҳифзи ҳуқуқ, низомӣ ва интизомии давлат машварат гузаронид.
Дар машварат сарвазири ҷумҳурӣ Оқил Оқилов ва роҳбари Дастгоҳи иҷроияи Президент Сафар Сафаров иштирок намуданд. Дар ҷараёни машварат ба Сардори давлат оид ба рафти иҷрои фармонҳои Президент ва қарорҳои Шӯрои амнияти ҷумҳурӣ дар бобати таъмини амнияти миллии мамлакат, аз ҷумла ҷиҳатҳои давлатӣ ва иттилоотии он, мубориза ба муқобили ҷиноят ва умуман таҳкими қонуният ва тартибот дар ҷомеа ҳисобот дода шуд.
Сардори давлат ба вазъияти ин соҳа ҳамчун самти муҳимтарин баҳо дода, роҷеъ ба масъалаҳои мубориза ба муқобили ҷинояти муташаккил, хариду фурӯши ғайриқонунии маводи мухаддир ба мутассадиён дастуру супоришҳои мушаххас дод.