Президенти Ҷумҳурии Тоҷикистон

Иштирок дар мулоқоти ғайрирасмии сарони давлатҳои аъзои Созмони Аҳдномаи амнияти дастаҷамъӣ (СААД)

22.08.2010 09:00, Россия

Рўзи 20 август Сарвари давлати Тоҷикистон Эмомалӣ Раҳмон баъди анҷоми сафари пурмаҳсули корӣ баҳри иштирок дар мулоқоти ғайрирасмии сарони давлатҳои аъзои Созмони Аҳдномаи амнияти дастаҷамъӣ (СААД) ба пойтахти ҷумҳурии Арманистон – шаҳри Ереван сафар кард.

Барои иштирок дар ин ҳамоиш сарони давлатҳои аъзои Созмони Аҳдномаи амнияти дастаҷамъӣ - Арманистон, Беларус, Тоҷикистон, Русия ва Қазоқистону Қирғизистон ҷамъ омаданд.

Дар мулоқот асосан масоили амнияти минтақавӣ, пеш аз ҳама авзои қирғизистон, расондани кўмакҳои техникӣ ба сохторҳои қудратию ҳифзи ҳуқуқи ин кишвар ва дарёфти механизми пешгирии чунин ҳодисаҳои нохуш баррасӣ шуд.

Зимни муҳокимарониҳо Сарвари давлати Тоҷикистон Эмомалӣ Раҳмон, аз ҷумла изҳор дошт: «Рўйдодҳои кунунии минтақавӣ моро ба он водор мекунанд, ки як механизми вокуниши мувофиқашудаи сиёсии зиддибўҳронӣ ташкил намоем ва ин механизм бояд ба рушди имконоти дипломатия пешгирикунанда мусоидат намояд».

Сарони давлатҳо ба қарор омаданд, ки барои таъҷилан вокуниш нишон додан ба ҳолатҳои бўҳронии сиёсӣ ба санадҳои оинномавии СААД тағйиру иловаҳо ворид карда шаванд.

Тибқи мувофиқаи бадастомада лоиҳаи чунин тағйиру иловаҳо бояд омода гашта, то моҳи декабри соли равон ба баррасии ҳамоиши навбатии сарони давлатҳои аъзои созмон, ки ҳамон вақт дар шаҳри Маскави Федератсияи Русия баргузор хоҳад шуд, пешниҳод карда шавад.

Дар мулоқот ҳамчунин авзои кунунии Афғонистон ва мубориза бо терроризму экстремизм, гардиши ғайриқонунии маводи мухаддир ва дигар масоили мавриди таваҷҷўҳ баррасӣ шуд.

Бо ҳамин сафари Президенти Ҷумҳурии Тоҷикистон Эмомалӣ Раҳмон ба шаҳри Сочии Федератсияи Русия ва шаҳри Еревани Ҷумҳурии Арманистон ба поён расид.

Рўзи 21 – уми август Сарвари давлат Эмомалӣ Раҳмон аз Ҷумҳурии Арманистон ба Ватан омад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520