Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Покистон Осиф Алӣ Зардорӣ барқияи тасаллият ирсол намуд, ки дар он аз ҷумла, омадааст:
Ҷаноби Олӣ,
Бо андўҳи бузург хабари садамаи ҳавопаймои дар наздикии Исломобод рухдодаро, ки боиси ҳалокати теъдоди зиёди шаҳрвандони Ҷумҳурии Исломии Покистон гардидааст, дарёфтам.
Ҳамдардии амиқи худ ва тамоми мардуми Тоҷикистонро ба Шумо, ҷаноби Олӣ, ва ба халқи дўсти Покистон изҳор намуда, ба наздикони қурбоншудагон аз даргоҳи Худованди мутаъол сабри ҷамил хоҳонам.