Имрўз Президенти мамлакат Эмомалӣ Раҳмон Вазири мудофиа ва пуштибонии Нерўҳои Мусаллаҳи ҷумҳурии Исломии Эрон Аҳмад Ваҳидиро, ки бо сафари расмӣ ба Тоҷикистон ташриф овардааст, ба ҳузур пазируфт.
Дар мулоқот масоили вобаста ба муносибатҳои рушдёбандаи ду кишвар баррасӣ шуд.
Ба тақвияти бештару фарохи ҳамкории гуногунҷанбаи Тоҷикистону Эрон, аз ҷумла ҳамкории низомию техникӣ изҳори ҳавасмандӣ карда шуд.
Сарвари давлат Эмомалӣ Раҳмон аз сатҳ ва мазмуни ҳамкории мавҷуда бо Эрон, аз ҷумла аз фаъолияти корхонаҳои муштараки Тоҷикистону Эрон изҳори қаноатмандӣ карда, идораҳои дифоии ду кишварро ба густариши бештари ҳамкории низомӣ-техникӣ ҳидоят намуд.