ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи тадбирҳои иловагии тақвияти
муқовимат ба коррупсия дар Ҷумҳурии Тоҷикистон
Мутобиқи моддаи 69 Конститутсияи (Сарқонуни) Ҷумҳурии Тоҷикистон бо мақсади таъмини иҷрои самараноки Қонуни Ҷумҳурии Тоҷикистон «Дар бораи мубориза бар зидди коррупсия» ва тақвияти муқовимат ба коррупсия фармон медиҳам:
1) Тадбирҳои иловагии тақвияти муқовимат ба коррупсия дар Ҷумҳурии Тоҷикистон тасдиқ карда шаванд.
2) Ба зиммаи роҳбарони вазорату идораҳо ўҳдадории бевоситаи муқовимат ба коррупсия бо муқаррар намудани масъулияти шахсӣ вогузор карда шавад.
3) Ҳукумати Ҷумҳурии Тоҷикистон дар мўҳлати 3 моҳ Нақшаи чорабиниҳо оид ба таъмини иҷрои Тадбирҳои иловагии тақвияти муқовимат ба коррупсия дар Ҷумҳурии Тоҷикистонро таҳия ва тасдиқ намуда, иҷрои онро таҳти назорати қатъӣ қарор диҳад.
Президенти
Ҷумҳурии Тоҷикистон Эмомалӣ Раҳмон
ш.Душанбе
30 апрели соли 2010
№864