Имрӯз Президенти Чумҳурии Тоҷикистон Эмомалӣ Раҳмон дар назди Қасри Миллат бо фарзандону наберагони худ ва кормандони Дастгоҳи иҷроияи Сарвари Давлат беш аз 1000 бех ниҳолҳои дарахтони ҳамешасабзу сояафкан шинонда, дар арафаи фарорасии Соли нави мелодӣ ба мавсими нави ниҳолшинонӣ дар мамлакат оғоз бахшид.
Сарвари Давлат Эмомалӣ Раҳмон бо фарзандону наберагони худ бевосита дар ниҳолшинонӣ иштирок намуда, дар арафаи соли нав оғоз ёфтани мавсими нави ниҳолшинониро фоли нек аз файзу барор дар соли оянда арзёбӣ намуд.
Изҳори боварӣ карда шуд, ки соли нав барои Тоҷикистони азиз дар татбиҚи наҚшаю барномаҳои сершумори бунёдкорию созандагӣ, ободонию кабудизоркунӣ, бунёди боғҳои нав ва барҚарорсозии боғҳои кӯҳна файзбору пурбарор хоҳад шуд.
Чунонки аён аст, бо ҷаҳду талошҳои доимӣ ва иштироки бевоситаи Президенти Чумҳурии Тоҷикистон Эмомалӣ Раҳмон дар зарфи ду – се соли ахир атрофи Касри Миллат аз як мавзеи хушку сӯзон ба боғу бӯстони дилфиреб табдил ёфта, ба маркази пойтахт ҳусну намои зебо зам намудааст.