Президенти Ҷумҳурии Тоҷикистон Эмомалӣ Раҳмон аз Сафири нави фавқулодда ва мухтори Гурҷистон дар Тоҷикистон Георгий Кублашвили эътимоднома қабул намуд.

Баъди анҷоми маросими эътимодномасупорӣ миёни Сарвари давлат Эмомалӣ Раҳмон ва Георгий Кублашвили оид ба ҳолати кунунӣ ва дурнамои муносибатҳои ду кишвар сӯҳбати ҷолиб доир гашт.

Таваҷҷӯҳи асосӣ мубодилаҳои сиёсӣ оид ба масоили минтақавию ҷаҳонӣ, барқарорсозии робитаҳои қаблии иқтисодию тиҷоратӣ ва дарёфти роҳу василаҳои нави ҳамкорӣ зоҳир гардид.

Зимни сӯҳбати пурмӯҳтаво ҳарду ҷониб ҳавасмандии худро ба таҳкиму густариши муносибатҳо таъкид намуданд.