Президенти Ҷумҳурии Тоҷикистон

Сафари корӣ ба ноҳияи Рашт

27.10.2009 16:00, ноҳияи Рашт

Аз ноҳияи Тоҷикобод Сарвари давлат Эмомалӣ Раҳмон ба ҷамоати деҳоти Ҳиҷбораки ноҳияи Рашт ташриф овард.

Дар назди деҳаи мулло Барот Президенти мамлакат дар фазои тантанавӣ як пули нави 226 – метраро, ки ҷамоати деҳоти Ҳиҷбораки ноҳияи Раштро бо шоҳроҳи Душанбе-Ҷиргатол мепайвандад, мавриди баҳрабардорӣ қарор дод.

Иқтидори борбардории ин пул 30 тонна буда, бо харҷи 10 миллиону 400 ҳазор сомонӣ бунёд ёфтааст. Бо ҳамин маблағ ҳамчунин 14 километр роҳҳои маҳаллӣ низ навсозӣ шудаанд.

Зикр гардид, ки дар ҷараёни корҳои сохтмони иншооти мазкур 80 нафар коргарону мутахассисони маҳаллӣ бо ҷойи кор таъмин гардиданд.

Дар назди ҳамин пул Сарвари давлат Эмомалӣ Раҳмон бо намояндагони сершумори аҳолии ноҳияи Рашт сӯҳбатҳои дилнишин анҷом дод, ки дар фазои озоду ошкоро ва бо самимияту шукргузорӣ аз сиёсати ободонии кишвар ҷараён гирифт.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520