Президенти Ҷумҳурии Тоҷикистон

АМРИ
ПРЕЗИДЕНТИ ҶУМҲУРИИ ТОҶИКИСТОН



Бо мақсади таъмини иҷрои Муроҷиатномаи Президенти Ҷумҳурии Тоҷикистон ба аъзои Ҳукумат ва мардуми Тоҷикистон ҷиҳати рӯёндани ду ҳосил аз заминҳои обӣ ва истифодаи самараноки заминҳо Вазорати кишоварзии Ҷумҳурии Тоҷикистон, Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон, мақомоти иҷроияи Ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳо дар мӯҳлати 20 рӯз масоҳати кишти асосиро дар заминҳои обӣ вобаста ба намуди зироатҳои кишоварзӣ, майдонҳои барои кишти такрории зироатҳо ҷудошаванда вобаста ба намуд (ҷуворимакка, офтобпараст, мош, сабзавот, полезӣ, картошка), ҳар хоҷагӣ, новобаста аз шакли моликияташон муайян ва ба Ҳукумати Ҷумҳурии Тоҷикистон пешниҳод намоянд.
Вазорати кишоварзии Ҷумҳурии Тоҷикистон, Вазорати молияи Ҷумҳурии Тоҷикистон, Вазорати рушди иқтисод ва савдои Ҷумҳурии Тоҷикистон, Вазорати мелиоратсия ва захираҳои оби Ҷумҳурии Тоҷикистон, Вазорати энергетика ва саноати Ҷумҳурии Тоҷикистон, Ширкати саҳомии кушодаи холдингии «Барқи Тоҷик», мақомоти иҷроияи ҳокимияти давлатии вилоятҳо ва шаҳру ноҳияҳо дар мавсим ҷиҳати таъмини хоҷагиҳо бо тухмии хушсифат барои кишти асосӣ ва такрорӣ, оби обёрӣ ва барқ чораҳои зарурӣ андешанд.

Президенти
Ҷумҳурии Тоҷикистон Э. Раҳмон

ш.Душанбе
05 апрели соли 2008
№ АП-573

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520