Президенти Ҷумҳурии Тоҷикистон

Сӯҳбати телефонӣ бо Раиси ҷумҳури Ҷумҳурии Исломии Афғонистон Ҳомид Карзай

18.02.2008 17:00

Субҳи имрӯз байни Президенти Ҷумҳурии Тоҷикистон Эмомалӣ Раҳмон ва Раиси ҷумҳури Ҷумҳурии Исломии Афғонистон Ҳомид Карзай сӯҳбати телефонӣ баргузор гардид.

Президенти Ҷумҳурии Тоҷикистон зимни ибрози тасаллият нисбати қурбоншудагони сардиҳои вақтҳои охир рухдодаи Афғонистон ва таркиши ба наздикӣ бавуқӯъ пайвастаи Қандаҳор, ки мӯҷиби ҳалокати теъдоди зиёди шаҳрвандон гардидааст, ҳамдардӣ ва таъзияи мардум ва Ҳукумати Ҷумҳурии Тоҷикистонро иброз намуд.

Сарварони ду кишвар масоили мубрами вазъ ва дурнамои равобити дуҷониба, аз ҷумла, масъалаҳои иқтисодӣ ва алалхусус, мушкилоти энергетики ду кишварро, ки бар асари сардиҳои фавқулоддаи ғайриоддӣ ба миён омадаанд, баррасӣ намуда, барои ҳаллу фасли он чораҳои мушаххас пешбинӣ намуданд.

Эмомалӣ Раҳмон ва Ҳомид Карзай тасмим гирифтанд, ки дар вақтҳои наздик мулоқоти сарони ду кишвари ҳамсоя ва дӯст Тоҷикистон ва Афғонистонро доир намоянд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520