Шоми имрӯз бо ташаббуси ҷониби украинӣ сӯҳбати телефонии Президенти Украина Виктор Ющенко бо Президенти Ҷумҳурии Тоҷикистон Эмомалӣ Раҳмон баргузор гардид.

Дар иртибот бо вазъи мураккаби вақтҳои охир дар Тоҷикистон баамаломада сарвари Украина муфассалан аз мушаххасоти вазъият пурсон шуда, омодагии ҷониби Украинаро барои расонидани кӯмаки фаврии мавриди ниёз иброз дошт.

Баъдан сарварони ду давлат дар чаҳорчӯбаи васеътари муносибатҳои дуҷониба вазъ ва дурнамои равобити байни ду кишварро баррасӣ карда, дар мавриди роҳу усулҳои тавсеа ва рушду густариши онҳо мубодилаи афкор намуданд.