Шоми имрӯз Президенти Федератсияи Русия Владимир Путин бо сафари расмӣ ба Тоҷикистон ташриф овард.

Дар фурӯдгоҳи шаҳри Душанбе меҳмони олимақомро Президенти Ҷумҳурии Тоҷикистон Эмомалӣ Раҳмон истиқбол гирифт.

Мулоқоту музокироти расмии сатҳи олии Тоҷикистону Русия бо иштироки сарони ду давлат Эмомалӣ Раҳмон ва Владимир Путин пагоҳ 5 октябр ҷараён мегиранд.

Зимни гуфтушуниди созанда маҷмӯи васеи масоили сиёсӣ, иқтисодию иҷтимоӣ, энергетикӣ, фарҳангӣ, амниятӣ ва ҳарбию техникӣ баррасӣ хоҳад шуд.

Пас аз музокирот ба имзо расидани як зумра санадҳои муҳим доир ба рушди ҳамкории минбаъдаи ду шарики стратегӣ дар назар аст.