Нимаи дуюми рӯз Президенти кишвар Эмомалӣ Раҳмон Намояндаи махсуси Иттиҳоди Аврупо доир ба Осиёи Марказӣ Патрисия Флорро ба ҳузур пазируфт.
Дар мулоқот маҷмӯи васеи масоили ҳамкории Тоҷикистону Иттиҳоди Аврупо, аз ҷумла дар соҳаҳои сиёсат, амният, иқтисод ва савдо, сармоягузорӣ, иҷтимоиёт ва рушди ҷомеаи шаҳрвандӣ баррасӣ шуд.
Аз рушди муносиботи сиёсии Тоҷикистону Иттиҳоди Аврупо, афзоиши гардиши мутақобилаи молу маҳсулот ва дигар робитаҳои судбахш, ки солҳои охир ба назар мерасад, изҳори қаноатмандӣ карда шуд.
Сарвари давлати Тоҷикистон Эмомалӣ Раҳмон тасмими Иттиҳоди Аврупоро барои таҳияи Стратегияи нави Иттиҳоди Аврупо доир ба Осиёи Марказӣ барои солҳои 2014-2020 ва дар чаҳорчӯби он ба роҳ мондани механизми «Муколама оид ба амният»-ро дастгирӣ намуд.
Гуфтугӯи судманд, ҳамчунин доир ба ҳолати кунунӣ ва дурнамои авзои Афғонистон ва ҳамгироии муштарак дар самти мубориза бо хатарҳои терроризму ифротгароӣ ва гардиши ғайриқонунии маводи мухаддир сурат гирифт.