Бегоҳии рӯз Президенти кишвар Эмомалӣ Раҳмон Роҳбари ширкати Роҳҳои оҳани Русия Владимир Якунинро ба ҳузур пазируфт.

Дар мулоқот масоили ҳамкории Тоҷикистону Русия ва кишварҳои Иттиҳоди Давлатҳои Мустақил (ИДМ) ва назди баҳри Балтика дар бахши нақлиёти роҳи оҳан баррасӣ шуд.

Аз натиҷаҳои мулоқоти роҳбарони сохторҳои марказии ин кишварҳо дар бахши роҳи оҳан, ки имрӯз дар шаҳри Душанбе баргузор гардид, изҳори хушнудӣ карда шуд.

Владимир Якунин ҳавасмандии Русияро ба таҳким ва густариши ҳамкорӣ бо Тоҷикистон дар ин ва дигар самтҳои судбахш таъкид намуд.