Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Эрон Маҳмуди Аҳмадинажод мулоқот намуд.
Дар мулоқот масоили гуногунҷанбаи ҳамкории Тоҷикистону Эрон баррасӣ шуд.
Таваҷҷўҳи зиёд ба татбиқи амалии лоиҳаҳои иқтисодии ду кишвар, аз ҷумла тезондани бунёди нерўгоҳи обии Сангтўда-2, роҳҳои оҳану мошингард ва хатти интиқоли нерўи барқ миёни Тоҷикистону Эрон аз қаламрави Афғонистон зоҳир карда шуд.
Масоили густариши ҳамкории сеҷонибаи Тоҷикистону Эрон бо Афғонистон ва мусоидат ба барқарорсозии иқтисодиёт ва ҳаёти осоишта дар ин кишвари ҳамсоя низ аз мавзўъҳои асосии сўҳбат буд.
Дар мулоқот ҳамчунин оид ба масоили гуногуни минтақавию ҷаҳонӣ табодули назар карда шуд.