Бинои нави Раёсати Вазорати корҳои дохилӣ дар минтақа ва ноҳияи Рашт бо иштироки Президенти мамлакат ба истифода дода шуд. Дар ин бино барои ҳайати шахсии мақомоти корҳои дохилӣ шароити мусоиди фаъолият фароҳам оварда шуда, тамоми утоқҳои корӣ бо таҷҳизоти зарурӣ таъмин карда шудааст.

Бинои Раёсат дорои маҷлисгоҳ барои 60 ҷойи нишаст ва 65 утоқи корӣ мебошад.

Кормандони Раёсати Вазорати корҳои дохилӣ дар минтақа ва ноҳияи Рашт барои ин таваҷҷуҳи роҳбарияти давлату ҳукумат арзи сипосу минатдорӣ намуда, қавл доданд, ки ҷиҳати анҷоми вазифаҳои хизматӣ ва ҳифзи тартиботи ҷамъиятӣ ҳамаҷониба талош хоҳанд кард.