Президенти Ҷумҳурии Тоҷикистон

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи иҷрокунандаи вазифаи
раиси шаҳри Исфараи вилояти Суғд
таъин намудани Зоҳидов Д.А.



Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
Зоҳидов Давронҷон Абдуқодирович иҷрокунандаи вазифаи раиси шаҳри Исфараи вилояти Суғд таъин карда шавад.

Президенти
Ҷумҳурии Тоҷикистон Эмомалӣ Раҳмон

ш. Душанбе
13 декабри соли 2013
№98

 

 

ЗОҲИДОВ ДАВРОН АБДУҚОДИРОВИЧ
иҷрокунандаи вазифаи раиси шаҳри Исфара

Зоҳидов Даврон Абдуқодирович – 18 июни соли 1971 дар ноҳияи Бобоҷон Ғафурови вилояти Суғд таваллуд шудааст. Маълумоташ олӣ буда, солҳои 1993 ва 2004 Донишгоҳи давлатии Хуҷандро бо дипломҳои аъло бо ихтисоси иқтисодчӣ ва омӯзгори фанни информатика ва ҳисоббаррор хатм кардааст.

Фаъолияти меҳнатиашро соли 1993 ба ҳайси омӯзгори кафедраи фанҳои умумитехникии Донишгоҳи давлатии Хуҷанд оғоз намуда, минбаъд дар мансабҳои раиси маркази ташаббуси ҷавонон «Иттифоқ»-и вилояти Суғд, роҳбари дастгоҳи раиси шаҳри Хуҷанд, муовини аввали роҳбари дастгоҳи раиси вилояти Суғд ва Роҳбари дастгоҳи раиси вилояти Суғд кор кардааст.

Солҳои 2006-2011 ҳамчун Раиси ноҳияи Ашти вилояти Суғд адои вазифа кардааст.

Аз соли 2011 то ба имрӯз аввал дар мансаби мудири Маркази иттилоотию техникии Дастгоҳи иҷроияи Президенти Ҷумҳурии Тоҷикистон ва ҳоло бошад ҳамчун Раиси Кумитаи иҷроияи Ҳизби Халқи Демократии Тоҷикистон дар вилояти Суғд фаъолият дорад.

Оиладор, соҳиби 2 фарзанд мебошад.

Бо Фармони Президенти Ҷумҳурии Тоҷикистон аз 13 декабри соли 2013 иҷрокунандаи вазифаи раиси шаҳри Исфара таъин гардид.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520