Президенти Ҷумҳурии Тоҷикистон

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи иҷрокунандаи вазифаи раиси
ноҳияи Ёвони вилояти Хатлон таъин
намудани Маҳмадалиев А.Т.



Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
Маҳмадалиев Амирбек Темурович иҷрокунандаи вазифаи раиси ноҳияи Ёвони вилояти Хатлон таъин карда шавад.

Президенти
Ҷумҳурии Тоҷикистон Эмомалӣ Раҳмон

ш. Душанбе
13 декабри соли 2013
№102

 

 

МАҲМАДАЛИЕВ АМИРБЕК ТЕМУРОВИЧ
иҷрокунандаи вазифаи раиси ноҳияи Ёвони вилояти Хатлон

Маҳмадалиев Амирбек Темурович – 25 декабри соли 1960 дар шаҳри Қӯрғонтеппа таваллуд шудааст. Маълумоташ олӣ буда, соли 1988 Донишгоҳи давлатии Тоҷикистонро бо ихтисоси иқтисодчӣ хатм кардааст.

Фаъолияти меҳнатиашро пас аз хатми Донишгоҳ ба ҳайси котиби ташкилоти ҳизбии колхози «Коммунизм»-и ноҳияи Бохтари вилояти Хатлон оғоз намуда, сипас дар мансабҳои раиси комиссияи тафтишотии колхози «Коммунизм»-и ноҳияи Бохтари вилояти Хатлон, раиси раёсати колхози «Коммунизм»-и ноҳияи Бохтари вилояти Хатлон, муовини аввали раиси ноҳияи Бохтари вилояти Хатлон ва муовини сардори Идораи кишоварзии вилояти Хатлон кор кардааст.

Солҳои 2004-2006 дар мансаби Раиси ноҳияи Ҷиликули вилояти Хатлон фаъолият намудааст.

Аз соли 2007 то ба имрӯз вакили Маҷлиси намояндагони Маҷлиси Олии Ҷумҳурии Тоҷикистон интихоб гардида, узви Кумита оид ба масъалаҳои иҷтимоӣ, оила ва ҳифзи саломатии Маҷлиси намояндагони Маҷлиси Олии Ҷумҳурии Тоҷикистон мебошад.

Бо медали ҷашнии «20 солагии Истиқлолияти давлатии Тоҷикистон» сарфароз гардидааст.

Оиладор, соҳиби 6 фарзанд мебошад.

Бо Фармони Президенти Ҷумҳурии Тоҷикистон аз 13 декабри соли 2013 иҷрокунандаи вазифаи раиси ноҳияи Ёвон таъин гардид.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520