Президенти Ҷумҳурии Тоҷикистон

Мулоқот бо Президенти Ҷумҳурии Исломии Афғонистон Ҳомид Карзай

01.09.2011 17:00, шаҳри Душанбе

Имрўз Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Афғонистон Ҳомид Карзай, ки барои иштирок дар мулоқоти сарони давлатҳои Тоҷикистон, Афғонистон, Покистон ва Русия - Чоргонаи Душанбе ба Тоҷикистон ташриф овардааст, мулоқот намуд.

Дар мулоқот масоили ҳамкории бисёрпаҳлўи ду кишвари дўсту ҳамсоя баррасӣ шуд.

Таваҷҷўҳи зиёд ба татбиқи амалии санадҳои сершумори миёни Тоҷикистону Афғонистон имзошуда зоҳир гардид, аз ҷумла доир ба пайвастани шабакаҳои нақлиётию барқӣ ба хотири боло бурдани иқтидори транзитии ҳарду кишвар.

Бо қаноатмандӣ зикр гардид, ки тайи 5 соли охир ҳаҷми мубодилоти молу маҳсулот миёни Тоҷикистону Афғонистон бо шарофати ифтитоҳи пулҳои мошингарди пайвандсози ду кишвари дўст 20 баробар афзоиш ёфт.

Дар ин росто зарурати пурра ба истифода додани хатти интиқоли барқи Сангтўда - Қундуз – Пулихумрӣ ва фаъол намудани гузаргоҳҳои иловагии сарҳадӣ миёни ду кишвар, аз ҷумла гузаргоҳҳои Кокул – Ойхонум ва Калдор - Айваҷ таъкид гардид.

Барои тақвияти ин тамоюлоти накў фаъолияти босамартари Комиссияи муштараки Ҷумҳурии Тоҷикистон ва Ҷумҳурии Исломии Афғонистон оид ба ҳамкории иқтисодӣ - тиҷоратӣ ва густариши бештари равобити вазоратҳои корҳои хориҷӣ, парлумонҳо ва мақомоти давлативу идории ду кишвар матлуб дониста шуд.

Вобаста ба нақшаҳои тадриҷан аз Афғонистон хориҷ шудани нерўҳои байналмилалии посдори сулҳ ҳамгироии бештар ва ҳамоҳангии кори сохторҳои низомӣ, марзбонӣ ва амниятии Тоҷикистону Афғонистон ба хотири тақвияти мубориза бо зуҳуроти терроризму ифротгароӣ ва гардиши ғайриқонунии маводи мухаддир зарур шумурда шуд.

Дар мулоқот, ҳамчунин доир ба рўзномаи мулоқоти сарони давлатҳои Чоргонаи Душанбе, омодагӣ ба ҷашни байналмилалии Наврўзи Ориён – 2012 дар шаҳри Душанбе ва дигар мавзўъҳои мавриди таваҷҷуҳ гуфтугўйи судманд сурат гирифт.

Баъди мулоқот бо иштироки сарони ду давлат Эмомалӣ Раҳмон ва ҳомид Карзай дар шаҳри Душанбе бинои нави Сафорати Ҷумҳурии Исломии Афғонистон дар Тоҷикистон ифтитоҳ ёфт.

Дар ин маросим, ҳамчунин намояндагони корпуси дипломатии муқими Тоҷикистон ва меҳмонони сершумори дигар низ ширкат доштанд.

Сарони ду давлат Эмомалӣ Раҳмон ва ҳомид Карзай ифтитоҳи бинои нави сафорати Ҷумҳурии Исломии Афғонистонро дар Тоҷикистон табрику таҳният гуфта, ба дурнамои муносиботи дўстӣ, ҳусни ҳамсоягӣ ва ҳамкории бисёрсоҳаи ду кишвар баҳои баланд доданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520