Имрўз Президенти кишвар Эмомалӣ Раҳмон Пешвои исмоилиёни ҷаҳон Карим Оғохони 4 – ро ба ҳузур пазируфт.

Дар мулоқот масоили ҳамкории Тоҷикистону Созмони Оғохон оид ба рушд баррасӣ шуд.

Сарвари давлат Эмомалӣ Раҳмон ба Пешвои исмоилиёни ҷаҳон Карим Оғохони 4 барои кўмакҳои сершумораш ба мардуми Тоҷикистон, аз ҷумла дар соҳаҳои рушди деҳот, кишоварзӣ, обрасонӣ, маорифу тандурустӣ ва бунёди пулҳои мошингузари миёни Тоҷикистону Афғонистон дар мавзеъҳои Хорўғ, Ишкошим, қалъаи Хумб, Ванҷ ва оғози сохтмони пули Шурообод изҳори сипос кард.

Бо қаноатмандӣ зикр гардид, ки имрўз дар Тоҷикистон бо дастгирии молиявии Созмони Оғохон оид ба рушд тадбирҳои зиёди судманд татбиқ мегарданд.
Зимни сўҳбати пурмуҳтаво омодагӣ ва ҳавасмандии амиқи ду ҷониб ба таҳким ва густариши ҳамкории минбаъда таъкид гардид.