Президенти Ҷумҳурии Тоҷикистон

Дар мулоқот ба Владимир Путин тавофуқоти муҳим ҳосил шуд

11.09.2014 23:10, шаҳри Душанбе

 

Шоми имрӯз Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуд.

Дар вохӯрӣ масоили вобаста ба ҳамшарикии стратегии ду кишвар ва рушди ҳамкории гуногунҷанба баррасӣ шуд.

Изҳори боварӣ карда шуд, ки ҳамгироии дуҷониба ва бисёрҷонибаи Тоҷикистону Русия барои таҳкими амнияту субот дар минтақаи Осиёи Марказӣ ва пурзӯр намудани ҳифзи сарҳади давлатӣ бо Афғонистон минбаъд низ идомаи босамар хоҳад дошт. Дар ин росто аз қабул шудани Барномаи навсозии Қувваҳои Мусаллаҳи Тоҷикистон, ки бо кумаку ҳамдастии Федератсия Русия амалӣ мешавад, изҳори қаноат карда шуд.

Таваҷҷуҳи зиёд ба рушди ҳамкории иқтисодию тиҷоратӣ ва сармоягузорӣ, ба тасвиб расондани созишномаи байниҳукуматӣ доир ба содироти бебоҷи маҳсулоти нафтии Русия ба Тоҷикистон ва танзими муҳоҷирати корӣ зоҳир гардид.

Ду ҷониб ба мувофиқа расиданд, ки масоили вобаста ба иҷозати воридшавӣ додан ба шаҳрвандони аз Русия ихроҷшудаи Тоҷикистон аз нав баррасӣ шавад. Имкон аст, ки ба қисмати зиёди онҳо дубора чунин иҷозат дода шавад. Ҳамчунин мушкили 400 донишҷӯйи тоҷики дар Русия таҳсилдошта, ки аз ҳуқуқи воридшавӣ ба ин кишвар маҳрум шудаанд, бояд бартараф шавад.

Аз рушди муваффақонаи ҳамкорӣ дар соҳаҳои маориф, илм, фарҳанг ва густариши робитаҳои мустақими миёни минтақаҳои Тоҷикистону Русия изҳори қаноат карда шуд.

Ҳамчунин атрофи мавзӯъҳои сиёсати минтақавию ҷаҳонӣ ва ҳамгироии судбахши ду кишвар дар ин арсаҳо табодули назар сурат гирифт.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520